Gürcüstana gedənlər üçün məcburi karantinin müddəti 1 saata endiriləcək

"Gürcüstan sərhədlərində koronavirusla bağlı yoxlama prosesinin müddəti 1 saat təşkil etməlidir".

"Report"un yerli bürosu xəbər verir ki, bunu ölkənin baş naziri Giorgi Qaxaria bildirib.

Onun sözlərinə görə, bu vaxta qədər bu müddət 14 gün və ya 24 saat təşkil edib: “Artıq bütün bu proses 1 saat ərzində olmalıdır. Bunun üçün Səhiyyə Nazirliyinin lazımı resursları var”.

Qeyd edək ki, qonşu ölkə iyulun 1-dən etibarən sərhədlərini xarici turistlər üçün açacaq.