Gürcüstan rəqəmsal milli valyuta yaradır

Gürcüstanın Milli Bankı rəqəmsal milli valyutanın yaradılması layihəsinə başlayır.

“Report”un yerli bürosu xəbər verir ki, bu barədə bankın yaydığı məlumatda bildirilib.

Qeyd olunub ki, rəqəmsal texnologiyaların inkişafı larinin rəqəmsal versiyasının yaradılmasını zəruri edib.

“Milli Bank ödəmə sistemlərinin effektivliyinin və maliyyə əlçatanlığının artırılması üçün rəqəmsal valyutanın (CBDC) buraxılması imkanını nəzərdən keçirir. Rəqəmsal valyuta ödəniş vasitəsi statusuna malik olacaq. Layihə çərçivəsində bank fintex-şirkətləri və maraqlı maliyyə institutları ilə əməkdaşlığa hazırlıq ifadə edir”, - məlumatda deyilir.