Gürcüstan Prezidenti: “Azərbaycan-Ermənistan danışıqlarının sülhlə davam edəcəyinə ümid edirik”  

“Azərbaycan və Ermənistan arasında danışıqların sülhlə davam etdiriləcəyinə ümid edirik”.

“Report”un yerli bürosu xəbər verir ki, bunu Gürcüstan Prezidenti Salome Zurabişvili erməni həmkarı Vaaqn Xaçaturyanla mətbuata birgə bəyanatla çıxışı zamanı deyib.

Onun sözlərinə görə, regionun gələcəyi sülh şəraitindən asılıdır: “Azərbaycan-Ermənistan danışıqlarına Avropa İttifaqı da cəlb olunub. Biz bilirik ki, bölgədə sülh bu danışıqların nəticələrindən asılıdır, bu sülhdən isə iqtisadi inkişaf və regionla bağlı olan yeni planlar asılıdır”.