Gürcüstan İsrailə başsağlığı verib

Gürcüstanın Xarici İşlər Nazirliyi (XİN) İsrail hökumətinə başsağlığı verib.

“Report”un yerli bürosu xəbər verir ki, başsağlığında Meron dağı yaxınlığında keçirilən dini bayram zamanı baş verən dəhşətli faciə barədə xəbərlərin dərin kədər hissi yaratdığı bildirilib.

XİN faciə qurbanlarının ailələrinə başsağlığı çatdırıb, yaralananların isə tez bir zamanda sağalmasını diləyib.

Gürcüstan baş nazirinin müavini, XİN başçısı David Zalkaliani də tvitter hesabında öz adından israilli həmkarı Qabi Aşkenaziyə başsağlığı verib.

Xatırladaq ki, İsraildə dini mərasim zamanı yaranmış izdiham nəticəsində 44 nəfər ölüb, 150-dən çox şəxs xəsarət alıb.