Ermənistanda vəkillər polis zorakılığına qarşı etiraz aksiyasına başlayıblar

Ermənistanda vəkillər etiraz aksiyasına başlayıblar.

“Report” xəbər verir ki, Vəkillər Palatasının keçmiş rəhbəri Ara Zöhrabyan jurnalistlərə bildirib ki, onlar polis rəisi Aram Hovhannisyanın istefasını tələb edirlər.

Etirazçılar hüquq-mühafizə orqanları əməkdaşlarının zorakılıq hallarının artmasına qarşı mübarizə aparmaq niyyətindədirlər.

Vəkillər hazırda polis idarəsinə doğru irəliləyirlər.

Məlumata görə, aksiya 3 gün davam edəcək.

Qeyd edək ki, indiyədək ölkədə bir neçə vəkil polis zorakılığına məruz qalıb.