Ermənistanda Hindistan vətəndaşının meyiti aşkarlanıb

Ermənistanın paytaxtı İrəvanda ticarət mərkəzinin yaxınlığında Hindistan vətəndaşının meyiti aşkarlanıb. Bu barədə “Report” yerli mətbuata istinadən xəbər verir.

Qeyd edilir ki, polisə onun meyitinin aşkarlanması barədə məlumat yerli vaxtla saat 22:30 radələrində daxil olub.

Polis, patrul və müstəntiqlər mərhumun şəxsiyyətini müəyyənləşdiriblər. Bu, 42 yaşlı Varinde F.-dir.

Hadisə ilə bağlı cinayət işi başlanıb. Məhkəmə tibbi ekspertizası təyin edilib.

Qeyd edək ki, bu, İrəvanda ötən gün ərzində aşkarlanan ikinci meyitdir. Daha əvvəl “Qələbə” körpüsünün yaxınlığında 46 yaşlı kişinin meyiti aşkarlanıb. Onun intihar edib-etmədiyi müəyyənləşdirilir.