Ərdoğan: "Zəlzələ bölgəsində yayadək təhsil distant formada olacaq"

Türkiyənin zəlzələ baş verən 10 əyalətində yayadək təhsil distant formada həyata keçiriləcək.

“Report” xəbər verir ki, bu barədə Türkiyə Prezidenti Rəcəb Tayyib Ərdoğan Diyarbakıra səfəri zamanı çıxşında məlumat verib.

Onun sözlərinə görə, bu, Türkiyə tarixində ən böyük fəlakət olan 1999-cu il zəlzələsindən üç dəfə böyük və dağıdıcıdır: "Eyni zamanda fevralın 6-da baş verən zəlzələ 1939-cu il Ərzincan zəlzələsindən çox daha geniş ərazidə fəlakət törədib. Bu zəlzələnin dağıdıcılığı 7 baldan yuxarı olan Çankırı, Çanaqqala, Gerede, Varto, Mudurnu və Muradiye zəlzələləri ilə müqayisə etmək mümkün deyil”.