Ərdoğan: “Türkiyənin Ukrayna ilə bağlı balanslaşdırılmış siyasəti bütün dünyada bəyənilib”

“Türkiyənin (Ukraynadakı müharibə ilə bağlı-red) balanslaşdırılmış siyasəti bütün dünyada bəyənilib”.

“Report” xəbər verir ki, bunu Malatya vilayətində bir sıra obyektlərin açılışında çıxış edən Türkiyə Prezidenti Rəcəb Tayyib Ərdoğan deyib.

“Tənqidlərin arxasınca getsəydik, bu gün avropalılar kimi qarşıdan gələn qışdan necə sağ çıxacağımızı düşünməli olardıq. Lakin Ankara başqa yol seçib və bizim qazla bağlı problemimiz yoxdur”, - dövlət başçısı qeyd edib.

Türkiyə Prezidenti Ankaranı Rusiya-Ukrayna müharibəsi ilə bağlı balanslaşdırılmış siyasətdən əl çəkməyə çağıran əleyhdarlarını tənqid edib.

Dövlət başçısı qeyd edib ki, Türkiyə (xaric ölkələrin) ümidlərini bağlayan böyük qaz qovşağına çevrilir.