Aleksey Overçuk: Gürcüstan Rusiyaya təhdidlər üçün tramplin kimi istifadə olunmaq istəmir

Gürcüstan Rusiyaya təhdidlər üçün tramplin kimi istifadə olunmaq istəmir.

"Report"un Gürcüstan bürosu xəbər verir ki, bu sözləri Rusiya Baş nazirinin müavini Aleksey Overçuk bildirib.

Overçuk qeyd edib ki, bu tendensiya Moskva ilə Tbilisi arasında ticarət-iqtisadi əlaqələrin, xüsusən turizm sahəsində əlaqələrin artmasına yaxşı təsir göstərir: "Gürcüstana baxsanız görərsiniz ki, onlar getdikcə daha çox özlərini qonşuları ilə sülh şəraitində yaşamağa çalışan müstəqil suveren dövlət kimi aparırlar. Onlar Rusiya Federasiyasına qarşı təhdidlər üçün tramplin kimi istifadə olunmaq istəmirlər", - o, əlavə edib.