İran XİN: İsrail zərbələr endirdiyi müddətdə danışıqlar aparmayacağıq

ABŞ İranla danışıqlar istəyi ilə çıxış edib, Tehran isə bunları rədd edib.

"Report"un məlumatına görə, bunu İranın xarici işlər naziri Abbas Əraqçi İran dövlət televiziyasına açıqlamasında deyib.

"Hazırkı şəraitdə sionist rejiminin İrana hücumları davam etdiyi müddətdə, heç kimlə danışıqlar aparmaq istəmirik. Amerikalılar istəyirlər, bir neçə dəfə mesajlar göndəriblər. Lakin biz onlara aydın şəkildə bildirmişik ki, təcavüz dayandırılmayana qədər dialoq və diplomatiyadan söhbət gedə bilməz", - o bildirib.