20-dən çox aviaşirkət Gürcüstana uçuşları bərpa etməyə hazırdır

“20-dən çox aviaşirkət Gürcüstana uçuşları bərpa etməyə hazır olduqlarını ifadə ediblər”.

“Report”un yerli bürosu xəbər verir ki, bu barədə ölkənin iqtisadiyyat anziri Natia Turnava bildirib.

Nazir deyib ki, uçuşların bərpa olunacağı tarixlər və konkret istiqamətlər barədə yaxın zamanlarda məlumat təqdim olunacaq.

N.Turnavanın sözlərinə görə, həmin aviaşirkətlər Gürcüstana mütəmadi reyslər yerinə yetirənlərdir:

“Onların arasında “Wizzair”, “Ryanair”, “Türk Hava Yolları”, “İsrail Hava Yolları” və “Qatar Airways” şirkəti də var”.