Azərbaycanın sərbəst və yunan-Roma güləşi üzrə yığma komandalarının açıq məşqi keçirilib - FOTOREPORTAJ

Bakı. 15 avqust. REPORT.AZ/ Azərbaycanın sərbəst və yunan-Roma güləşi üzrə yığma komandaları dünya çempionatına hazırlığı davam etdirirlər. 

“Report”un məlumatına görə, bu gün Azərbaycan Güləş Federasiyasının bazasında baş tutan məşqi qurumun vitse-prezidentləri – Elçin Cəfərovla Namiq Abdullayev də izləyiblər. Məşqdən əvvəl hər iki yığmanın dünya çempionatında iştirak edəcək heyətləri açıqlanıb. 

Qeyd edək ki, dünya çempionatı 21 - 26 avqustda Fransanın paytaxtı Paris şəhərində başa tutacaq. Proqrama əsasən, 21 - 22 avqustda yunan-Roma, 23 -24 avqustda qadın güləşçilər arasında qaliblər müəyyənləşəcək. Sərbəst güləşçilər isə 25-26 avqustda xalça üzərinə çıxacaqlar.