Deputatların tətili başa çatıb

Bakı. 15 yanvar. REPORT.AZ/ Azərbaycan Milli Məclisinin (MM) deputatlarının tətil müddəti bu gün başa çatıb.

“Report”un xəbərinə görə, bu həftə parlamentin komitələri işə başlayacaq.

Fevralın 1-də isə Milli Məclisin yaz sessiyasının ilk plenar iclası keçiriləcək. Yaz sessiyası mayın 31-dək davam edəcək.

Xatırladaq ki, parlamentin sonuncu plenar iclası ötən ilin dekabrın 29-da keçirilib.