Azərbaycanın qonşu ölkələrlə sərhəd-buraxılış məntəqələrinin sayının artırılması təklif olunur

“Gürcüstanda xeyli həmvətənlərimiz yaşayır. Hətta bir çox yerlərdə Gürsütanla sərhədlərimiz var”.

“Report”un xəbərinə görə, bu fikirləri Milli Məclisin Regional məsələlər komitəsinin sədri Siyavuş Novruzov parlamentin bu gün keçirilən iclasında deyib.

Onun sözlərinə görə, sərhəd məntəqələrinin sayının çox olması vətəndaşlara köməklik edər: “Hesab edirəm ki, sərhəd-buraxılış məntəqələrinin sayı Gürcüstanla və digər qonşu ölkələrlə artırılsın”.