Bakıda Hindistan filmləri nümayiş olunacaq

Bakıda Hindistanın Azərbaycandakı səfirliyinin dəstəyi ilə Bollivud filmləri nümayiş etdiriləcək.

“Report” xəbər verir ki, ilk filmin təqdimatında Hindistanın Azərbaycandakı səfiri Bavitlunq Vanlalvavna iştirak edib.

Onun sözlərinə görə, hind filmlərinin nümayişi ölkəsinin müstəqilliyinin 75-ci ildönümünün qeyd olunması çərçivəsində baş tutacaq.

“Azərbaycanda hind filmləri çox sevilir, onlar hələ də məşhurdur. Ümid edirik ki, bu filmlər də tamaşaçıları sevindirəcək”, - səfir bildirib.

Qeyd edək ki, tamaşaçılara 3 Bollivud filmi – “Phillauri” (3 iyun), “Badrinath ki Dulhania” (4 iyun) və “Nil Battey Sannata” (5 iyun) ingiliscə, Azərbaycan dilində subtitrlərlə nümayiş etdiriləcək.