“Xalq Bank” və “Xalq Sığorta”nın daha bir səhmdarı nizamnamə kapitalını azaldır

“Xalq Bank” və “Xalq Sığorta” ASC-lərin səhmlərinin 50%-nə nəzarət edən “İdeal Biznes Ko.” MMC nizamnamə kapitalını azaltdığını elan edib.

“Report” bu barədə Vergilər Nazirliyinin “Vergilər” qəzetinə istinadən xəbər verir.

Bununla belə, şirkətin kapitalının hazırda nə qədər olması və nə qədər azaldılacağı açıqlanmayıb. Yalnız o bildirilib ki, “İdeal Biznes Ko.”nun kreditorları “PAŞA Holdinq” MMC-nin yerləşdiyi Bakı şəhəri, Nəsimi rayonu, Neftçilər prospekti, ev 153 ünvanına müraciət edə bilərlər.

Xatırladaq ki, bundan əvvəl adı çəkilən maliyyə qurumlarının digər səhmdarı - “Euro Standard” MMC də nizamnamə kapitalını azaltmışdı.