Rusiya SWIFT-in alternativinə qoşulmağa hazırdır

Bakı. 5 oktyabr. REPORT.AZ/ "Rusiya ABŞ-dan asılı olmayan ödəniş sisteminə qoşula bilər".

“Report” Rusiya mətbuatına istinadən xəbər verir ki, bunu ölkənin maliyyə naziri Anton Siluanov bildirib. 

Onun sözlərinə görə, SWIFT beynəlxalq ödəniş sisteminin hazırda yaradılan alternativi Avropanın maliyyə institutları arasında işləyəcək: "Rusiya bu sistemə qoşulmağa hazırdır. Çünki, o, ABŞ dolları ilə hesablaşmalar aparan müəssisələrə və maliyyə institutlarına qarşı ABŞ-ın tətbiq etdiyi məhdudiyyətlərə cavabdır”. 

Xatırladaq ki, “Financial Times” nəşri Böyük Britaniya, Almaniya, Fransa, Rusiya və Çinin alternativ ödəniş sisteminin yaradılması üçün razılığa gəldiyini yazıb.