Naxçıvanda ötən il 10 milyon manata yaxın ipoteka krediti verilib

Ötən ilin yanvar-noyabr aylarında Naxçıvan Muxtar Respublikasında 9 milyon 699,6 min manat məbləğində ipoteka krediti verilib.

“Report” bu barədə Azərbaycan Mərkəzi Bankının (AMB) yerli idarəsinə istinadən xəbər verir.

Bunun 16,1 %-i və ya 1 milyon 563,8 min manatı güzəştli şərtlərlə, 83,9 %-i və ya 8 milyon 135,8 min manatı isə digər şərtlərlə verilib.

11 ayda regionda 166 nəfər ipoteka krediti götürüb ki, bunlardan 27-si güzəştli, 139-u isə digər şərtlərlə ipoteka krediti sahibi olub.

Ötən il ərzində verilən ipoteka kreditlərinin ümumi kreditlərdə payı 2,8 % təşkil edib.