FED-in qərarı ərəfəsində qızılın qiyməti cüzi artıb

Birjaların ABŞ Federal Ehtiyat Sisteminin (FED) əsas faiz dərəcəsi ilə bağlı qərarını gözlədiyi bir zamanda qızılın qiyməti sabitlik nümayiş etdirir.

"Report" birjalara istinadən xəbər verir ki, Nyu-Yorkun “Comex” birjasında qızılın avqust fyuçersləri 0,02 % və ya 0,3 ABŞ dolları bahalaşaraq 1 unsiyası 1 962,55 ABŞ dollarına satılıb. Gümüşün sentyabr fyuçerslərinin qiyməti isə 0,35 % artaraq 1 unsiyası 24,668 ABŞ dolları təşkil edib.

ABŞ Mərkəzi Bankı faiz dərəcəsi ilə bağlı qərarını bu gün açıqlayacaq. Analitiklər hesab edirlər ki, FED uçot dərəcəsini illik 5-5,25 %-lik hazırkı səviyyədən 25 baza bəndi səviyyəsində artıracaq.