“Dəmirbank” yeni əmanət məhsulunu təqdim edib

Bakı. 2 may. REPORT.AZ/ “Dəmirbank” ASC yeni “Mənfəətli əmanət” adlı məhsulunu müştərilərinə təqdim edib.

Bankdan “Report”a verilən məlumata görə, hüquqi şəxslər vəsaitlərini bu əmanət növünə yerləşdirərək qısa müddətə yüksək gəlir əldə edə bilərlər.

Belə ki, manat əmanətləri üzrə 1 aya illik 15%, 3 aya isə illik 17% divident təklif edilir.

Əmanət hesabları ABŞ dolları və avroda da açıla bilər. Dollar əmanətləri müştərilərə 1 aya illik 6%, avro əmanətləri iisə isə 4% gəlir gətirəcək.

“Mənfəətli əmanət” maksimum 12 aya qədər yerləşdirilə bilər və faiz gəliri aylıq götürülə bilər.