Vüqar Abdullayev: “Bank Standard”ın verdiyi kreditlərlə bağlı 2 582 məhkəmə prosesi gedir"

"Ləğv prosesində olan “Bank Standard” QSC-nin verdiyi kreditlərlə bağlı 2 582 məhkəmə prosesi gedir".

“Report” xəbər verir ki, bunu Bankın ləğvedicisi olan Azərbaycan Əmanətlərin Sığortalanması Fondunun (ADIF) icraçı direktorunun müavini Vüqar Abdullayev deyib. 

Onun sözlərinə görə, bəzi məhkəmə işləri artıq icraatdadır: “Bu işlər üzrə kreditlərin ümumi məbləği 230 milyon manatdır”.

V.Abdullayev həmçinin qeyd edib ki, ləğvetmə dövründə Bankın kredit yığımı 84 milyon manat təşkil edib, 60 milyon manatlıq əmlak isə “Bank Standard”ın balansına köçürülüb.