Azərbaycanın sığorta bazarı 31% böyüyüb

Bakı. 25 yanvar. REPORT.AZ/ 2018-ci ildə Azərbaycandakı 21 sığorta şirkətinin xətti ilə 727,954 mln. manat məbləğində sığorta haqqı toplanılıb.

“Report” Maliyyə Bazarlarına Nəzarət Palatasına istinadən xəbər verir ki, bu, 2017-ci illə müqayisədə 30,7% çoxdur.

İl ərzində sığorta şirkətlərinin həyata keçirdikləri ödənişlərin məbləği isə 240,334 mln. manat təşkil edib. Bu isə illik müqayisədə 6,5% azdır. 

Ötən il sığorta bazarında toplanmış hər 100 manat sığorta haqqının 33 manatı ödəniş edilib. Əvvəlki il bu göstərici 46,2 manat olub.