Azərbaycandan Gürcüstana pul köçürmələri azalıb

Bu ilin yanvar ayında Azərbaycandan Gürcüstana 4,4 milyon ABŞ dolları pul köçürülüb.

“Report”un yerli bürosu xəbər verir ki, bu barədə Gürcüstan Milli Bankından bildirilib.

Məlumata görə, bu, ötən ilin eyni dövrü ilə müqayisədə 17% azdır.

Hesabat ayında Gürcüstandan Azərbaycana isə 1,4 milyon ABŞ dolları pul köçürülüb. Bu isə 1 il əvvələ nisbətən təxminən 27% çoxdur.

Yanvarda Gürcüstana ümumilikdə 168,8 milyon ABŞ dolları (+12,7 %) pul köçürülüb, qonşu ölkədən xaricə isə 23,3 milyon ABŞ dolları (+35,3 %) pul göndərilib.