ADB: Bələdiyyələr üçün məlumatlara investisiya vaxt və çoxlu pul tələb edir

Bələdiyyələr üçün məlumatlara investisiya vaxt və çoxlu pul tələb edir.

"Report" xəbər verir ki, bunu Asiya İnkişaf Bankının (ADB) Azərbaycandakı nümayəndəliyinin rəhbəri Sunniya Durrani-Camal Bakıda keçirilən Ümümdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Şəhərlərin daha keyfiyyətli məlumatlarla imkanlarının genişləndirilməsi - siyasətin formalaşdırılması və qərarların qəbulu üçün əlçatan və tətbiq oluna bilən məlumatlar" adlı tədbirdə bildirib.

"Nəticə etibarı ilə bu məlumatlardan necə istifadə edilə biləcəyi barədə daha az düşünülür. Məlumatlar toplanılır, lakin onlardan səmərəli istifadə olunmur. Müştəri olaraq, müxtəlif qurumlardan hansı məlumatları əldə edə biləcəyinizi anlamalısınız. Maliyyəçi olaraq, biz sonra sizin məlumatlarınızdan və onların məlumatlarından istifadə edərək maliyyələşdirmənin cəlb edilməsinə kömək edən bir məhsul hazırlaya bilərik. Bu, sizə xidmətlərin göstərilməsi üçün lazım olan infrastruktura investisiya qoymağa imkan verir.

Məlumatların yalnız investisiya planlaması və xidmətlərin göstərilməsi üçün deyil, həm də nəticələri göstərmək üçün təqdim edilməsi çox vacibdir. Bu məlumatlar sizə daha yaxşı nəticələr əldə etməyə necə kömək etdi? Bu hamımız üçün faydalıdır, çünki bu nəticələr bəzən qeyd etdiyiniz kimi risk profilinizi aşağı sala bilər və daha yaxşı faiz dərəcələri əldə etməyinizə kömək edə bilər. Məlumatlar bir aktivdir. Biz onu belə görməliyik. Bu, bir aktivdir və ona investisiya qoymağa dəyər. Tamamilə, və həqiqətən, maliyyə resursları olmadan biz çox irəli gedə bilmirik. Prioritetləri müəyyənləşdirməliyik və həqiqətən imkanları müəyyən edib onlardan yararlana bilməliyik", - deyə o qeyd edib.