“Xırdalan dairəsi”ndən Bakı istiqamətində hərəkət məhdudlaşdırılır

Bakı. 10 may. REPORT.AZ/ Bakı şəhərində avtonəqliyyat vasitələrinin təhlükəsiz hərəkətinin tənzimlənməsi məqsədi ilə, Bakı-Quba-Rusiya Federasiyası ilə dövlət sərhədi avtomobil yolunun 11-16-cı km-lik hissəsində “Xırdalan dairəsi”ndən Bakı şəhəri istiqamətində üfüqi nişanlanma xətlərinin yenidən rənglənməsi ilə əlaqədar olaraq saat 23:00-dan etibarən hərəkət məhdudlaşdırılacaq.

“Report” xəbər verir ki, bu barədə “Azərbaycan Avtomobil Yolları” Dövlət Agentliyi və Bakı Nəqliyyat Agentliyinin birgə məlumatında qeyd olunub.

Rənglənmə işləri səhər saatlarınadək yekunlaşdırılacaq.

“Sürücülərdən həmin istiqamətdə qeyd olunan saatlarda alternativ yollardan istifadə etmələri tövsiyə olunur”,-məlumatda qeyd olunub.