Bakının bəzi yerlərində zibil konteynerlərinin azalması araşdırılır

"Məişət tullantılarının daşınması ilə bağlı Bakıda islahatlar aparılır. Pilot layihə Nərimanov rayonu seçilib".

"Report" xəbər verir ki, bunu Bakı şəhər İcra Hakimiyyəti başçısı Aparatının rəhbəri Elgin Həbibullayev Nazirlər Kabineti yanında Operativ Qərargahın brifinqində çıxışı zamanı deyib.

O bildirib ki, proses davam edir və digər rayonlarda konteynerlər olacaq: "Bakı şəhərində qoyulan konteynerlərin sayı artırılır. Hər hansı ərazidən konteynerlərin sayının azalması isə sadəcə obyektiv və ya subyektiv səbəblərdən ola bilər. Belə hallar da tərəfimizdən araşdırılır".