Azərbaycan paytaxtında ticarət dövriyyəsi cüzi azalıb

2020-ci ildə Bakı şəhərində ticarət dövriyyəsinin dəyəri 2019-cu illə müqayisədə 0,5 % artaraq 23 062,2 milyon manat olub.

Bu barədə “Report”a Dövlət Statistika Komitəsinin Bakı Şəhər Statistika İdarəsindən məlumat verilib.

Məlumata görə, ticarət şəbəkəsində satılmış ərzaq məhsulları, içkilər və tütün məmulatlarının dəyəri illik müqayisədə 6,4 % artaraq 11 775,9 mln manata, qeyri-ərzaq məhsullarının dəyəri isə 4,6 % azalaraq 11 286,3 milyon manata bərabər olub.

İstehlak məhsullarının 29,4 %-i hüquqi şəxs statuslu müəssisələrdə, 54,2 %-i fərdi sahibkarlara məxsus ticarət obyektlərində, 16,4 %-i isə məhsul bazarlarında satılıb.