“Azərbaycan” gəmi-bərəsi Pekin-Paris ralli iştirakçılarını Bakıya gətirib

Ənənəvi Pekin-Paris beynəlxalq avtomobil rallisi iştirakçıları “Azərbaycan” gəmi-bərəsi ilə Qazaxıstanın Kurık limanından Bakı Limanına çatıb.

"Report" bu barədə "Bakı Beynəlxalq Dəniz Ticarət Limanı" QSC-yə istinadən xəbər verir.

Məlumata görə, ümumilikdə gəmiyə 92 ədəd unikal avtomobil yüklənib. Bu avtomobillərin orta yaşı 88-dir, ən köhnə avtomobilin isə 110 yaşı var.

"İştirakçılar Bakıya bu gün çatıblar, buradan onlar Gürcüstana yola düşəcəklər. Bundan sonrakı marşrut xətti isə, Türkiyə, Yunanıstan, İtaliya və Fransa olacaq", - Bakı Limanı bildirib.

Qeyd edək ki, ilk dəfə 1907-ci ildə təşkil olunmuş ralli 14 000 km məsafəni əhatə edir.