Gəncə Dövlət Dram Teatrı Gürcüstanda beynəlxalq festivalda iştirak edəcək

Bakı. 4 iyul. REPORT.AZ/ Gəncə Dövlət Dram Teatrı Gürcüstanda Nodar Dumbadze adına keçirilən II Beynəlxalq Teatr Festivalında iştirak edəcək.

“Report” “Sputnik-Georgia”ya istinadən xəbər verir ki, tədbir iyulun 5-dən 14-dək Quriyanın Çoxatauri Mədəniyyət Sarayında keçiriləcək. 

Builki festival Nodar Dumbadzenin 90 və Ozurget Teatrının yaranamasının 150 illik yubileyinə həsr olunub. Tədbirdə Azərbaycanla yanaşı, Rusiya teatr truppası da iştirak edəcək.

Festivalda Nodar Dumbadzenin səhnələşdirilmiş əsərlərini 13 teatr nümayiş etdirəcək.