BTQ üzrə daşımaların həcminin daha da artırılması müzakirə olunub

Azərbaycan rəqəmsal inkişaf və nəqliyyat naziri Rəşad Nəbiyev ölkədə səfərdə olan Gürcüstan Baş nazirinin müavini, iqtisadiyyat və davamlı inkişaf naziri Levan Davitaşvili ilə görüşüb.

Nazirlikdən “Report”a verilən məlumata görə, görüşdə ötən həftə Tbilisidə keçirilmiş müzakirələrin davamı olaraq nəqliyyat və İKT sahəsində əməkdaşlıq perspektivlərinə dair fikir mübadiləsi aparılıb.

İki ölkə arasında əməkdaşlığın əsas komponentlərindən biri olan Bakı-Tbilisi-Qars dəmir yolu xətti üzrə daşımaların həcminin daha da artırılması müzakirə olunub.

Eyni zamanda iki ölkə arasında tranzit potensialının inkişafının vacibliyi vurğulanıb.