Bəzi ölkələrdə instaqramın işində nasazlıq yaranıb

Bir çox ölkələrdə instaqram sosial şəbəkəsinin işində nasazlıqlar müşahidə olunur.

“Report” xəbər verir ki, bu barədə məşhur internet resurslarının fəaliyyətini izləyən “Downdetector” xidmətinin saytında bildirilir.

Sosial şəbəkənin işindən şikayətlər ABŞ, Kanada, Böyük Britaniya, Almaniya, Fransa, İspaniya, İtaliya, Rusiya və digər ölkələrdə qeydə alınıb. Nasazlıqlar haqqında bildirən sosial şəbəkə istifadəçiləri xəbər lentinə baxışda çətinliklərlə üzləşdiklərini bildiriblər.

Bundan başqa, serverə qoşulmada da problemlər müşahidə olunur.