Samuxda həmyerlisini öldürən şəxsin ibtidai istintaqı başa çatıb

Bakı. 21 noyabr. REPORT.AZ/ Samux rayonunda qətl törətməkdə təqsirləndirilən Rəşad Məhərrəmovun cinayət işi üzrə ibtidai istintaq başa çatıb.

"Report"un xəbərinə görə, cinayət işi baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Dadaş İmanovun icraatına verilib.

Məhkəmənin hazırlıq iclası dekabrın 3-nə təyin edilib.

Qeyd edək ki, qətl hadisəsi bu il iyunun 15-də Samux rayonunun Ağasıbəyli kəndində baş verib.

Belə ki, 1988-ci il təvəllüdlü Rəşad Məhərrəmov həmyerlisi 1966-cı il təvəllüdlü Əhmədov İntiqam İmamverdi oğlu ilə birgə kafedə yemək yeyəndən sonra onu bıçaqlayaraq qətlə yetirib.

Daha sonra R.Məhərrəmov saxlanılıb.