Salyanda iki yük maşını toqquşub, 1 nəfər yaralanıb

Salyan. 5 may. REPORT.AZ/ Salyanda 1 nəfərin yaralanması ilə nəticələnən yol qəzası baş verib.

“Report”un Aran bürosu xəbər verir ki, hadisə ötən gecə Ələt-Astara magistral yolunun Baş Şirvan kanal ərazisindən keçən hissəsində qeydə alınıb.

Ağdam sakini, 42 yaşlı Qabil Cəlal oğlu Hümmətov idarə etdiyi “Shacman” markalı yük maşını ilə hərəkətdə olarkən yolun kənarında dayanmış eyni adlı yük maşınına arxadan çırpılıb. Nəticədə müxtəlif dərəcəli bədən xəsarətləri alan sürücü Salyan Mərkəzi Rayon Xəstəxanasına çatdırılıb. İlkin tibbi yardım göstərildikdən sonra yaralı Travmatologiya şöbəsinə yerləşdirilib.

Faktla bağlı araşdırma aparılır.