Qəzada həlak olan alim sabah Bakıda dəfn olunacaq

Noyabrın 15-i saat 23 radələrində avtomobil qəzası nəticəsində həlak olan alim Arif Acaloğlu sabah dəfn olunacaq.

“Report”un əldə etdiyi məlumata görə, mərhum noyabrın 17-də Sabuncu rayonunun Maştağa qəsəbəsinin Kəpənəkçi qəbiristanlığında dəfn ediləcək.

Qeyd edək ki, noyabrın 15-i saat 23 radələrində Sabunçu rayonu ərazisində Bakı şəhər sakini Azər Spartak oğlu Maqsudov idarə etdiyi “Mercedes” markalı avtomobillə A.Acaloğlunu vurub. Alim aldığı xəsarətlə xəstəxanaya yerləşdirilsə də, onun həyatını xilas etmək mümkün olmayıb.