Qaxda piyadanı vuraraq öldürən şəxsin ibtidai istintaqı yekunlaşıb

Bakı. 4 dekabr. REPORT.AZ/ Qax rayonunda ölümlə nəticələnən yol qəzas törətməkdə təqsirləndirilən Vüqar Cəmilovun cinayət işi üzrə ibtidai istintaq yekunlaşıb.

"Report" xəbər verir ki, cinayət işi baxılması üçün Şəki Ağır Ağır Cinayətlər Məhkəməsinə göndərilib.

Cinayət işi hakim Rəşid Hüseynovun icraatına verilib.

Məhkəmənin hazırlıq iclasının vaxtı hələlik açıqlanmayıb.

Qeyd edək ki, ölümlə nəticələnən yol qəzası bu il Qax rayonunda baş verib.

Belə ki, rayon sakini V.Cəmilov idarə etdiyi “Audi” markalı avtomobillə yolu keçən Qaxingiloy kənd sakini Lianet Kasiaşvilini vurub.

Xəstəxanaya yerləşdirilən piyada orada ölüb.