Gədəbəydə həmkəndlisini öldürən şəxsə hökm oxunub

Gəncə. 2 iyul. REPORT.AZ/ Gəncə Ağır Cinayətlər Məhkəməsində qətldə təqsirləndirilən Rəşad Süleymanovun məhkəməsi davam etdirilib. 

"Report"un Qərb bürosunun məlumatına görə, proses hakim Faiq Mahmudovun sədrliyi ilə keçirilib. 

O, məhkəmənin hökmü ilə 11 il müddətinə azadlıqdan məhrum edilib.  

Qeyd edək ki, hadisə ötən il noyabrın 9 da Gədəbəy rayonunun Söyüdlü kəndində baş verib. Rəşad Tapdıq oğlu Süleymanov mübahisə zəminində həmkəndlisi İbrahim Nəcəf oğlu Həsənəliyevi bıçaqlayaraq qətlə yetirib. 

O, Cinayət Məcəlləsinin 120.1 (Qəsdən adam öldürmə) və 228.4 (Qanunsuz olaraq qaz silahını, soyuq silahı, o cümlədən tullayıcı silahı əldə etmə, satma və ya gəzdirmə) maddələri ilə ittiham olunub.