Ələt-Astara yolunda iki avtomobil toqquşub, xəsarət alanlar var

Ələt-Astara avtomobil yolunda bir neçə nəfərin xəsarət alması ilə nəticələnən yol nəqliyyat hadisəsi baş verib.

"Report"un Muğan bürosunun məlumatına görə, hadisə magistral yolun Biləsuvar rayonu ərazisindən keçən hissəsində qeydə alınıb.

Hadisə zamanı "Hyundai Sonata" və "Hundai Elantra" markalı minik avtomobilləri toqquşub. Qəza nəticəsində 3 nəfər - Beyləqan rayon sakini 1997-ci il təvəllüdlü Kərimov Məhər Qurban oğlu, Binəqədi rayon sakinləri 1999-cu il təvəllüdlü Mustafayev Balaş Yaşar oğlu və 1999-cu il təvəllüdlü Mustafalı Elşən Natiq oğlu müxtəlif dərəcəli bədən xəsarətləri alıb.

Yaralılar Biləsuvar Rayon Mərkəzi Xəstəxanasına çatdırılıb.

Faktla bağlı araşdırma aparılır.