Bakıda 20 yaşlı gəncə dostu 6 bıçaq zərbəsi vurub

Bakının Sabunçu rayonunda gənc oğlana çoxsaylı bıçaq zərbələri vurulub.

“Report”un məlumatına görə, iki dost arasında dava qanla bitib.

Belə ki, 2003-cü il təvəllüdlü Qiyas Süleymanov dava zamanı dostu tərəfindən bıçaqlanıb.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona bədənin müxtəlif yerlərində 6 ədəd kəsilmiş-deşilmiş bıçaq yarası diaqnozu qoyulub.

Qeyd edək ki, Q. Süleymanovun yaxınlarından aldığımız məlumata görə, bıçaqlanma söyüş üstündə baş verib.

Faktla bağlı araşdırma aparılır.