Təhsil işçiləri arasında futbol üzrə Bakı çempionatına start verilib

Futbol

22 aprel, 2019
15:13

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Təhsil işçiləri arasında futbol üzrə Bakı çempionatına start verilib.

"Report" xəbər verir ki, turnir Azərbaycan Təhsil İşçiləri Azad Həmkarlar İttifaqı (ATİAHİ) və Bakı Şəhəri üzrə Təhsil İdarəsinin (BŞTİ) birgə təşkilatçılığı ilə keçirilir.

Aprelin 22-də baş tutan çempionatın ilk günündə BŞTİ-nin futbol komandası Nizami rayon komandasına 10:4 hesabı ilə qalib gəlib.

Çempionatın nəticələrinə əsasən, ilk 3 yeri tutan komandalar mükafatlandırılacaqlar.

Ənənəvi olaraq hər il keçirilən çempionatın əsas məqsədi təhsil işçilərinin idmana marağını daha da artırmaq, asudə vaxtlarını səmərəli təşkil etmək, sağlam və aktiv həyat tərzinin təbliği işini genişləndirməkdən ibarətdir.