Rikardinyo futzal üzrə Avropa çempionatları tarixində ən yaxşı bombardir olub

Bakı. 7 fevral. REPORT.AZ/ Portuqaliya yığması futzal üzrə Avro-2018-in ¼ final oyununda Azərbaycanı 8:1 hesabı ilə darmadağın edib və əfsanəvi Rikardinyu matçda 4 qol vuraraq poker edib.

“Report” xəbər verir ki, o, bu poker sayəsində futbol üzrə Avropa çempionatları tarixində vurduğu qolların sayını 21-ə çatdırıb və bununla da turnir tarixində ən yaxşı bombardir olub.

Bunadək futzal üzrə Avropa çempionatlarının final mərhələsi üzrə ən yaxşı bombardir hesabında 20 qol olan rusiyalı Konstantin Yeremenko idi. Bu, 17 il ərzində rekord hesab edilib.

Rikardinyunun Rusiyaya qarşı keçiriləcək yarımfinal matçında öz göstəricisini yaxşılaşdırmaq imkanı olacaq. Matç fevraln 8-də keçiriləcək.