“Real"ın prezidenti "Barselona" üzərində qələbəyə münasibət bildirib

"Real" futbol klubunun prezidenti Florentino Peres komandanın İspaniya Superkubokunda "Barselona" ilə oyunda qazandığı qələbəyə münasibət bildirib.

Bu barədə “Report” “Marca”ya istinadən xəbər verir.

“Mən xoşbəxtəm, çünki azarkeşlər yaxşı oyun görməkdən məmnundurlar. Gördüyünüz kimi, Səudiyyə Ərəbistanında ən xoşbəxt gecələrindən birini keçirən “Real”ın xeyli azarkeşi var”, - o deyib.

Xatırladaq ki, "Real" və "Barselona"nın qarşılaşdığı İspaniya Superkubokunun final oyunu Ər-Riyaddakı (Səudiyyə Ərəbistanı) “Əl-Avval Park” stadionunda baş tutub. "Real" rəqibini 4:1 hesabı ilə məğlub edərək İspaniya Superkubokunun qalibi olub.