“Real”ın futbolçularının istifadə etdiyi şkaflar satışa çıxarılıb

Məşhur “Sotheby's” hərrac evi son 20 mövsüm ərzində İspaniyanın “Real” klubunun futbolçuları tərəfindən istifadə edilən 24 şkafı onlayn şəkildə satışa çıxarıb.

“Report”un “Telegraph”a istinadən məlumatına görə, bir vaxtlar Devid Bekhem, Zinəddin Zidan, Roberto Karlos kimi əfsanələrin, hazırda Səudiyyə Ərəbistanının “Əl-Nəsr” klubunda top qovan Kriştianu Ronaldunun istifadə etdiyi, “Real”ın 2022/2023 mövsümündəki komandasının portretləri ilə bəzədilmiş şkafların ilkin qiyməti 10-20 min funt-sterlinq aralığında dəyişir.

Qeyd edək ki, “Los Anceles Leykers”in helikopter qəzasında dünyasını dəyişən basketbolçusu Kobe Brayantın şkafı avqustda “Sotheby's” tərəfindən 2.9 milyon dollara satılıb.