"Real" 3 futbolçusunun satışından 100 milyon avro qazanmağı planlaşdırıb

İspaniyanın "Real" klubu bu yay bəzi futbolçularının satışından böyük məbləğdə gəlir əldə etməyi planlaşdırıb.

"Report" "Diario AS"a istinadən xəbər verir ki, klub rəhbərliyi 3 oyunçunun gedişindən ümumilikdə 100 milyon avro qazanmaq niyyətindədir.

Madrid təmsilçisi hücumçu Qonsalo Qarsiya, müdafiəçilər Fran Qarsiya və Raul Asensio ilə yollarını ayırmağa hazırlaşır.

Qeyd edək ki, "Transfermarkt" portalı 22 yaşlı Qonsalo Qarsiyanın dəyərini 30 milyon, 26 yaşlı Fran Qarsiyanın və 23 yaşlı Raul Asensionun dəyərini isə müvafiq olaraq 10 və 20 milyon avro qiymətləndirir.