Qazaxıstanın daha bir futbolçusu Azərbaycan millisi ilə oyunu buraxacaq

Qazaxıstan seçməsi iyunda Azərbaycan və Slovakiya yığmalarına qarşı UEFA Millətlər Liqasının qrup oyunlarından əvvəl daha bir itki ilə üzləşib.

"Report"un məlumatına görə, "Taraz"da çıxış edən Nurlan Dairov sıradan çıxıb.

27 yaşlı müdafiəçi Qazaxıstan Premyer Liqasındakı növbəti iki turu və yığmanın oyunlarını buraxacaq.

Klub Dairovun hazırda zədəsi ilə bağlı müalicə aldığını və bərpa prosesindən keçəcəyini açıqlayıb.

Qeyd edək ki, daha əvvəl komandanın 9 aparıcı üzvünün UEFA Millətlər Liqasındakı ilk iki tur matçlarını buraxacağı bəlli olub. Qazaxıstan millisi iyunun 3-də Azərbaycanı qəbul edəcək, bundan 3 gün sonra isə Slovakiyanın qonağı olacaq.