“Kəpəz”in İdarə Heyətinin sədri: “Stadion ərazisindəki yanğının heç bir fəsadı olmayıb”

“Gəncə şəhər stadionunun ərazisində baş verən yanğının heç bir fəsadı olmayıb”.

Bunu “Report”a açıqlamasında “Kəpəz”in İdarə Heyətinin sədri İlqar Nadiri dekabrın 25-də Gəncə şəhər stadionunda baş verən yanğın hadisəsi ilə bağlı danışarkən deyib.

Onun sözlərinə görə, hadisə konteynerdə baş verib: “Bunun əslində klubla heç bir bağlılığı yoxdur. Sadəcə, ərazidə söküntü işi aparılması üçün lazım olan konteyner tipli kiçik qurğu yanmışdı. Ancaq bu, insanları narahat edən formada şişirdildi. Halbuki ciddi bir yanğın və ya hansısa fəsad olmayıb”.