"Feyenoord"un futbolçusu ilə bağlı qərarı Robert Prosineçki verəcək

Futbol

10 yanvar, 2017
14:06

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 10 yanvar. REPORT.AZ/ Azərbaycanın U-21 yığmasının düşərgəsinə qoşulan Hollandiyanın "Feyenoord" klubunun futbolçusu Ozan Kökcü ilə bağlı qərarı əsas millinin baş məşqçisi Robert Prosineçki verəcək.

"Report"un "Milliyyət"ə istinadən verdiyi məlumata görə, xorvatiyalı mütəxəssis 18 yaşlı futbolçunun oyununu izləmək üçün yanvarın 13-də Türkiyəyə səfər edəcək.

Türkiyə və Rusiya vətəndaşlığına sahib futbolçunun taleyinə yoxlama görüşlərindən sonra aydınlıq gələcək.

Qeyd edək ki, U-21 yığması yanvarın 12-də Almaniyanın "Rot Vays Erfurt", yanvarın 14-də isə Qazaxıstanın “Okjetpes” komandası ilə qarşılaşacaq. Oyunlar müvafiq olaraq Bakı vaxtı ilə saat 16:00 və 18:00-da başlayacaq.