Çempion baş məşqçi "Qəbələ"yə dönüb

Bakı. 21 yanvar. REPORT.AZ/ Azərbaycanın 15 yaşadək futbolçulardan ibarət yığmasının baş məşqçisi postundan ayrılan Famil Xəlilov “Qəbələ” klubuna dönüb.

“Report” əyalət təmsilçisinin rəsmi saytına istinadən xəbər verir ki, gənc mütəxəssis yenidən “Qəbələ”nin U-19 komandasına rəhbərlik edəcək. 2017/2018 mövsümündə bu komanda ilə Azərbaycan çempionu olan Xəlilov ötən ilin avqustunda U-19-dan ayrılaraq Azərbaycan millisində işə başlamışdı.

Beş aydan sonra “Qəbələ”yə qayıdan mütəxəssis U-19-da Emin İmaməliyevi əvəzləyib.

Qeyd edək ki, İmaməliyev karyerasını 2001-2002-ci il təvəllüdlü futbolçulardan ibarət Azərbaycan millisində məşqçi kimi davam etdirəcək.