Azərbaycan yığması təlim-məşq toplanışına başlayıb

Yunan-Roma güləşi Azərbaycan yığması təlim-məşq toplanışına başlayıb. 

"Report"un məlumatına görə, ilin əvvəlindən bütün hazırlığı Bakıda keçən milli bu dəfə Göygölə yollanıb. Məşqçilər korpusu bir neçə gənc güləşçi də daxil olmaqla, 30 yaxın idmançıyla mayın 8-dək Göygöl Olimpiya İdman Kompleksində təlim-məşq toplanışı keçəcək. 

Hazırlıq prosesində əsas diqqət fiziki hazırlığın yüksəldilməsinə yönəldiləcək. Təlim-məşq toplanışı başa çatdıqdan sonra komanda Ukraynada keçiriləcək beynəlxalq turnirdə qüvvəsini sınayacaq.

Qeyd edək ki, yaxın günlərdə sərbəst və qadın güləşi üzrə yığmaların da hazırlıq planı bəlli olacaq.