Azərbaycan Premyer Liqasında mövsümün məhsuldarlıq rekordu yenilənib

Futbol üzrə Azərbaycan Premyer Liqasında mövsümün məhsuldarlıq rekordu təzələnib.

"Report"un məlumatına görə, çempionatın IX turunda qapılara 14 qol vurulub. Orta məhsuldarlıq isə 3.5-ə bərabər olub.

Bundan öncə mövsümün ən yüksək göstəricisi III turda qeydə alınıb. Həmin vaxt 13 qol vurulub. Ən az qol isə I turda olub - 6 top.

Xatırladaq ki, IX turda "Keşlə" evdə "Qəbələ"ni 2:1, "Qarabağ" "Səbail"i 1:0,"Neftçi" səfərdə "Sumqayıt"ı 4:2 hesabı ilə yenib, "Sabah" - "Zirə" matçında isə qalib müəyyənləşməyib - 2:2.