Afrika Millətlər Kubokuna vəsiqə qazanan Tanzaniya yığmasının futbolçularına torpaq sahəsi verilib

Tanzaniya Prezidenti Con Maqufuli Afrika Millətlər Kubokunun final mərhələsinə vəsiqə qazanan milli komandanın futbolçularını mükafatlandırıb.

"Report" AP-yə istinadən xəbər verir ki, ölkə rəhbəri hər bir oyunçuya 5 min dollar mükafat və torpaq sahəsi verilməsini tapşırıb. Maqufuli yığma komanda ilə görüşdə bildirib ki, futbolçular və məşqçilər bu mükafata layiqdirlər.

Qeyd edək ki, Tanzaniya 39 ildən sonra ilk dəfə Afrika Millətlər Kubokunun final mərhələsində iştirak edəcək. Turnir 21 iyun – 19 iyulda Misirdə keçiriləcək.